Тибқи нақшаи чорабиниҳои Мақомоти иҷроияи ҳокимияти давлатии шаҳри Ҳисор ва бо дастури раиси шаҳр Қосим Роҳбар шуруъ аз 31 майи соли равон корҳои таъмиру тармим дар роҳҳои автомобилгарди шаҳр оғоз гардид.
Бо ин мақсад аз ҳисоби буҷетӣ маҳаллӣ маблағҳои муайян ҷудо гардида, субҳи имрӯз кормандони Муассисаи давлатии нигоҳдории роҳҳои автомобилгард дар шаҳри Ҳисор дар роҳи байнишаҳрии Ҳисор-Айнӣ-Душанбе, ки аз ҳудуди 6 деҳа гузашта, масофаи 8 километрро ташкил медиҳад, чанд минтақаи роҳро таъмири яклухт карда, чуқурчаҳоро қиравпӯш намуданд. Таъмиру мумфаршкунӣ дар минтақаи боқимондаи роҳ муташаккилона ҷараён дорад.
