Ин навбат дар машварати назоратии иҷрокунандаи вазифаи раиси шаҳри Ҳисор Носирзода Ҷаббор, ки 19 августи соли равон баргузор гардид, асосан масъалаҳои омодагӣ ба Соли нави хониши 2024-2025 мавриди таҳлил ва баррасӣ қарор дода шуд.Муовини якум ва муовинони раиси шаҳр аз иҷрои супоришҳои протоколӣ дар машварати гузашта мухтасар гузориш доданд ва Носирзода Ҷаббор ба омодагии муассисаҳои таҳсилотӣ ба соли хониш таваҷҷӯҳ карда, аз муовинон, оид ба масъалаҳои анҷоми таъмири пурраи мактабҳо, таъмини 59 адад синфхонаҳои иловагии тозабунёд бо мизу курсӣ ва дигар лавозимоти хониш, баргузории машварати августии омӯзгорон, омодагӣ ба Рӯзи дониш, , таъминот бо сару либоси мактабӣ ва китобу ашёи хониш, қабули кӯдакон ба синфи якум, ҷалби пурраи хонандагон ба зинаи сеюми таҳсил, таъмини пурраи муассисаҳо бо кадрҳои омӯзгорӣ, инчунин, омодагии муассисаҳо ба фасли тирамоҳу зимистон пурсиш намуд.
Ҳамзамон, ҷиҳати дар сатҳи баланди ташкиливу маънавӣ баргузор намудани машварати августии омӯзгорон, оғози Соли нави хониш ва Рӯзи дониш, расонидани паёми табрикотии раиси шаҳр ба муносибати Соли нави хониш дар муассисаҳои таълимӣ, ба муовинон, мудирони шуъбаю бахшҳои дахлдор ва раисони ҷамоатҳои шаҳраку деҳот дастуру супоришҳои мушаххас дод.
Таъкид гардид, ки масъулон аз омодагии муассисаҳои таҳсилотӣ ба Соли нави хониш дидан намуда, аз натиҷа то охири ҳафта ба унвонии иҷрокунандаи вазифаи раиси шаҳр гузориши хаттӣ ирсол намоянд.
