Шоми имрӯз иҷрокунандаи вазифаи раиси шаҳри Ҳисор Носирзода Ҷаббор хатмкардаи муассисаи таҳсилоти миёнаи умумии №47-и шаҳри Ҳисор Беназир Муродоваро, ки дар озмуни ҷумҳуриявии атестати аълои равияи табиӣ-риёзӣ ғолиб ва сазовори медали тилло гардидааст, ба ҳузур пазируфт.
Роҳбари шаҳр ба сарвари хонадоне, ки Беназир дар он ба камол расидааст, собиқадори соҳаи маориф Алимардон Муродов, барои таълиму тарбияи фарзанди донишманд изҳори сипос намуд.
Ҳамчунин, дастоварди Беназирро ба аҳли хонадон роҳбарону устодони муассисаи таҳсилоти миёнаи умумии №47 муборакбод гуфта, ба Беназир Муродова фатҳи қуллаҳои баланди илмро таманно намуд.
Маврид ба ёдоварист, ки Беназир алаккай ба Донишгоҳи давлатии тиббии Тоҷикистон, факултаи табобатӣ ройгон дохил шудааст ва тавре худ баён дошт, касби табибро соҳиб гашта, оянда ба давлату миллати хеш содиқона хизмат хоҳад кард.
