Бахшида ба таҷлили Рӯзи ваҳдати миллӣ корҳои созандагиву ободонӣ дар ҷамоатҳои шаҳраку деҳот вусъати тоза касб кардааст. Аз гузоришҳои расида бармеояд, ки фаъолияти зергурӯҳҳои кории 35-солагии Истиқлолият дар шаҳраки Шарора, деҳоти Навобод, ба номи Мирзо Турсунзода, Мирзо Ризо, Хонақоҳи Кӯҳӣ, Дурбат, Деҳқонобод беҳтар ба роҳ монда шудааст.
Корҳои ободонӣ дар деҳаву маҳаллаҳо, аз қабили рангубори дару девори манзилҳои истиқоматӣ, таъмиру тармими ҷӯй ва роҳу пулҳо, насби симчӯбу кашидани хатҳои барқ ва ғайраҳо муташаккилона ҷараён дорад.
