16 майи соли равон дар Мақомоти иҷроияи ҳокимияти давлатии шаҳри Ҳисор рӯзи қабули шаҳрвандон доир гардид. Раиси шаҳри Ҳисор, узви Маҷлиси миллии Маҷлиси Олии Ҷумҳурии Тоҷикистон Носирзода Ҷаббор бо иштироки муовинон ва роҳбарони воҳидҳои сохтории мақомоти давлатӣ 16 нафар шаҳрвандонро ба ҳузур пазируфт.
Муроҷиати бештари шаҳрвандон ба масъалаи дастрасӣ ба замини наздиҳавлигӣ вобаста буда, ҳамчунин баҳсҳои оилавию ҳамсоягӣ, сохтмони иншооти иҷтимоӣ ва ғайраро ифода менамуд.
Раиси шаҳр масъулинро барои сари вақт ҳаллу фасл ва баррасӣ кардани масъалаҳое, ки шаҳрвандон дар муроҷиатҳои худ иброз доштанд, муваззаф намуд.
